БИШКЕК. АКШ өкмөтү Кыргызстандагы «СПИД» бирикмесинин карамагына УАЗ жана Daewoo үлгүсүндөгү медициналык эки чакан автоунаа берди. АКШнын Кыргызстандагы элчиси Стивен Янг жума күнү автоунаалардын ачкычынын бирин «СПИД» бирикмесинин Бишкектеги кеңсесине, экинчисин Ош шаарындагы СПИДге каршы күрөшүү жана алдына алуу боюнча облустук борбор жетекчилерине тапшырды. «СПИД» борборунун маалымдашынча, учурда Кыргызстанда бул илдет менен жабыркагандардын саны 497ге жетти. Аталган илдетке каршы күрөшүү үчүн мамлекет жылына 5 миллион сом каражат бөлөт.
