БРҮССЕЛ. Еврокомиссия Ооганстанда 30-июнга белгиленген шайлоо ага тийешелүү даярдык көрүлө электигине байланыштуу кийинкиге калтырылышы керек деп эсептейт. Комиссиянын өкүлү Эмма Удвиндин айтымында, Ооганстандын 10 миллиондон ашык шайлоочусунун болгону үчтөн бири каттоодон өткөрүлдү. "Калктын басымдуу бөлүгү каттоодон өткөрүлмөйүн президенттик жана парламенттик шайлоону адилет деп эсептөөгө болбойт", дейт өкүл. Бүгүн Еврокомиссия Ооганстанда шайлоону өткөрүүгө кошумча 8 миллион евро бөлгөндүгүн билдирди.
