ТАЛАС. Кайрымдуулук ашары быйылкы жылдын август айында Талас облусунун жана Талас шаарынын уюшулгандыгын 60 жылдык тоюн өткөрүү үчүн каражат топтоо максатын көздөп өткөрүлдү. Кайрымдуулук ашарына Таластан сырт жакта иштеп жүргөн өрөөндүн көрүнүктүү кызматкерлери, ишкерлери да чакырылып, бирок келгендердин саны аз болду. Ал эми өрөөндүн врачтары, мугалимдери, ардагерлери, бүжөттүк ишканалардын кызматкерлери, акционердик коомдор айлык акыларынын эсебинен бир нече күндүк маяналарынын эсебинен каражат бөлүп беришти. Алдын ала эсеп боюнча, кайрымдуулук ашарынын кутучасына 500 миң сомдон ашуун нак акча, 355 миң сомдон ашуун акча которуу жолу менен түштү.
