Пакистандын Карачи шаарында “Элдик партиянын” лидери Абдулла Мурад атып өлтүрүлдү

Карачинин полициясы билдиргендей, кечээ Мураддын автомашинасы партиянын кеңсесине бараткан жолунан белгисиз бирөөлөрдүн аткылоосуна кабылган.
Саясатчы жана анын кайтаруучусу ошол жерден дароо көз жумган. Азырынча кол салуу үчүн жоопкерчиликти эч ким ала элек. Окуядан кийин партиянын нааразылык билдирген тарапкерлери менен полиция ортосунда кагылышуу болду.
Бир кездери “Элдик партияны” азыр сүргүндө жүргөн мурдагы премьер Беназир Бхутто айым жетектеп келген.