Дүйшөмбү күнү Түркияда НАТО уюмунун бийик жолугушуусу башталат жана АКШ президенти Джордж Буш Анкарага келип токтой турган "Хилтон" мейманканасынын алдында бүгүн жардыруу болду. Мейманкананы кайтарган эки полициячы жараат алды, алардын биринин абалы оор. Буш Анкарага ишемби күнү келүүгө тийиш. Саммит өтө турган Ыстамбул шаарында дагы бүгүн ири жардыруу ишке ашырылды жана андан үч адам курман болду.
