Польшанын парламенти бүгүн өкмөт башчы Марек Белкага ишеним көрсөтүү маселесин кароодо. Мурдагы премьер Лешек Миллердин партиясы үстүбүздөгү жылдын май айында парламенттик колдоодон айрылганда ал кызматынан кеткен жана Миллердин ордун баскан Белка 24-июнда парламенттин колдоосун алган. Жаңы өкмөт 2005-жылдын бюджетин даярдагандан кийин октябрда ага дагы бир жолу ишеним көрсөтүү боюнча добуш берилсин деп Белка өзү сунуштаган.
