Өзбек бийлиги бүгүн Ташкен шаарындагы Улуу Британиянын элчилиги алдында уюштурулган митингди күч менен таркатты жана ага катышкан бир нече адамды кармап кетти. Митингди оппозициялык партиялар менен адам укуктарын коргогон топтор уюштурган .Алар - Улуу Биританиянын элчиси Крейг Мюррейдин кызматтан алынышына каршы чыккан. Мюррей өзбек бийлигинин саясатын сынга алып, ал адам укуктарынын кеңири бузулушуна жол берип, коррупцияга малынган деп бир нече жолу билдирген жана Британиянын өкмөтү аны октябрда кызматынан чакыртып алган. Ташкенде октябрда дагы митингдер болуп өткөн.
