БИШКЕК. Маданият кызматкерлеринин айлыгы 30 пайызга жогорулады. Бул тууралуу жарлыкка Курманбек Бакиев 6-августта кол койгон. Маданият боюнча мамлекеттик комиссиянын жетекчиси Султан Раев билдиргенге караганда, канчалаган жылдардан бери моралдык жана материалдык колдоо таппай келатышкан маданий ишмерлер үчүн бул жакшы жаңылык. Азыр маданият кызматкерлердин орточо айлыгы 500-600 сомду түзөт. Бул тармакта 7 миңге чукул адам эмгектенет.
