Өзөктүк кубат боюнча эл аралык агенттиктин башкармалыгынын мүчөлөрүнө бүгүн Европа Биримдигинин сунушу таратылды. Анда - эгер Иран өзүнүн өзөктүк изилдөөлөрүн токтопосо жана сүйлөшүү жараянына кайрадан кошулбаса, маселени Бириккен Улуттардын Коопсуздук Кеңешинин күн тартибине коюу керек деп айтылат. Ирандын руханий жетекчиси аятолла Али Хаменеинин айтымында болсо, Иран өзүнүн өзөктүк программаларын эч кандай шартта токтопойт. Тегерандын айтымында, Иран аймагындагы эл аралык текшерүүлөр да токтотулушу мүмкүн.
