Жак Ширак Франциянын колониалдык өтмүшү тууралуу мыйзамын кайра карап чыгууга көрсөтмө берди

Өткөн феврал айында консерваторлор үстөмдүк кылган парламент "Франциянын чет өлкөлөрдө, анын ичинде Түндүк Африкада бийлик жүргүзүшүнүн оң мүнөзүн" тааныган мектеп программасын түзүү тууралуу мыйзам кабыл алган эле. Бул мыйзам тарыхчылар жана Алжир сыяктуу Франциянын мурдагы колониалдык империяларында катуу нааразылыкты пайда кылган.

Жаңы жылга байланыштуу, бүгүн журналисттер менен жолукканда Франциянын президенти "мыйзамды элди бөлүп-жарбастан, тескерисинче бириктирүүчү таризде кайра жазып чыгыш керек" деди.