БИШКЕК. Бишкек шаарынын тургундарынын арасында 24-мартта кандайдыр бир күтүлбөгөн окуялар, тоз-тополоң болуп кетиши ыктымал деген кооптоонуу бар. Бул тууралуу Жогорку Кеңештин коргоо, коопсуздук жана укук тартиби боюнча комитетинин төрагасы Рашид Тагаев 3-мартта парламент жыйынында сүйлөгөн сөзүндө билдирди. Анын айтымында, ушундай кооптонуудан улам шаар тургундарынын айрымдары башка жактарга кетип жатышат. Депутат мындай кооптоонуга эч кандай негиз жоктугун, өлкөдө абал туруктуу экенин айтып, тартип коргоо органдарынын жетекчилери коркунуч жоктугун элге түшүндүрүп коюусу зарылдыгын белгиледи.
