Түркмөнстандын өкмөттүк сыналгысы билдиргенге караганда, президент Сапармурад Ниязов кечээ күнү атайын жобого кол койду жана ага ылайык өлкөнүн өндүрүш ишканаларындагы коопсуздук чаралары күчөтүлүүгө тийиш. Анын алдында Түркмөнстандын мунай тазалоо боюнча негизги ишканасынын башчысы Амангелди Пудаков жана "Түркмөнгаз" компаниясынын жетекчисинин орун басары Сапар Элдашев коррупциядан күнөөлөнүп, кызматтарынан алынган.
