Бишкек. Кыргызстандын Британиядагы, Түркмөнстандагы, Австриядагы, Малайзиядагы элчиликтеринин жана Пакистандагы башкы консулдугунун ишмердиги натыйжалуу болбой жатат. Бул тууралуу 11-мартта Тышкы иштер министрлиги менен Жогорку Кеңештин эл аралык байланыштар боюнча комитетинин биргелешкен жыйынында айтылды. Ошол эле учурда Кыргызстандын Орусиядагы, Кытай Эл Республикасындагы, Швейцариядагы элчиликтеринин жана Бириккен Улуттар Уюмунун алдындагы өкүлчүлүгүнүн ишинин натыйжасы жогору деп баа берилди.
