БИШКЕК. Борбордук шайлоо комиссиясынын маалымат кызматы кабарлаганга караганда, БШКнын эки мүчөсү, атап айтканда, Жеңишбек Акматов менен Абдыжапар Бегматов Беларустагы президенттик шайлоого байкоо жүргүзүп жатышат. Буга чейин шайлоого байкоо жүргүзүп берүү сунушу менен Беларус бийликтери Кыргызстанга кайрылган болчу. Маалымат каражаттарынын жазышынча, Беларусь президентин шайлоого 1300 чамалаш байкоочу көз салууда.
