Кадамжай шайлоо округу боюнча экинчи турга 37,2 пайыз добуш топтоп, Баяман Эркинбаевдин жесири Чолпон Султанбекова жана 24,4 пайыз добуш менен Нооманжан Аркабаев алдыга чыгышты. Андан кийин Алгынбай Иманов 10,3 пайыз, Айданбек Ташкенбаев 1,76 пайыз добуш алышты. Округдук комиссиянын төрагасы Камалидин Каримовдун "Азаттыкка" билдиргенине караганда, таң ата комиссия жыйынтыктоочу чогулуш өткөрүп, экинчи турга добуш берүүнү 23-апрелге белгилешти.
