БИШКЕК. Экс- президентке берилди делген 420 миң доллар боюнча сот жараянына Аскар Акаев гана чекит койо алмак. Мындай пикирин Анарбек Сатыбалдиевди коргоп аткан адвокат Рыспек Нагаев билдирди. Анын пикиринде, экс- президент Акар Акаев бул каражат мамлекеттик ишке жумшалган, бирок каякка сарпталганы мамлекеттик сыр деп койгону баарына жооп болмок. Бул иш боюнча Биринчи май райондук соту 25-апрелде өкүм чыгараары күтүлүүдө. Мамлекеттик айыптоочу Улан Сарбанов менен Медет Садыркуловду 12 жылга кесүүнү сурап жатат.
