БИШКЕК. Бүгүн эртең мененки саат сегизден бери Кыргызстандагы эки шайлоо округунда Жогорку Кеңешке депутаттарды шайлоонун экинчи айлампасы жүрүп жатат. №39 Кадамжай округунан экинчи турга өтүшкөн Чолпон Султанбекова, Нооманжан Аркабаев, Куршаб округу боюнча Санжарбек Кадыралиев менен Мамат Орозбаев депутаттыкка ат салышууда. БШКнын маалыматына караганда, кечки саат төрткө карата Кадамжай шайлоо округунан добуш берген шайлоочулардын саны 42,2 пайызды, Куршаб округунда 31,3 пайызды түздү. Добуш берүү шайлоо кодекси боюнча кечки саат сегизде соңуна чыгат.
