БИШКЕК. 24- марттагы талап- тоноочулукта жапа чеккен ишкерлер кыргыз бийлигин эл аралык сотко беришет. Алар бул тууралуу кечээ “Акипресс” агенттигинде билдиришти. Жапа чеккен ижарачы- ишкерлер коомунун жетекчиси Бурулкан Усубакунованын айтымында, кыргыз бийлиги берген убадаларын аткарган жок, элдик ыңкылаптын бир жылдыгынын алдында бөлгөн 2 жарым миллон сом жетиштүү эмес. Ошон үчүн алар 29-апрелде боло турган митингге катышуу чечимин кабыл алышты.
