Бүгүн Вашингтон шаарында АКШ менен Азербайжан президенттери Жорж Буш жана Илхам Алиев жолугуп, сүйлөшүү өткөрөт. Жолугушуунун алдында укук коргоочу уюмдар президент Бушка кайрылып, сүйлөшүү учурунда Азербайжанда адам укуктарынын бузулушуна кеңири жол берилгенин сынга алууга чакырды. Алардын айтымында, Азербайжан менен АКШ ортосундагы байланыштар адам укуктарынын абалына көз каранды экенин Буш ачык билдирүүгө тийиш.
