БИШКЕК. Жума күнү биринчи вице-премьер-министрдин милдетин аткаруучу Данияр Үсөнов менен шаар башчысы Арстанбек Ногоев 7-июнда Бишкектин түштүк аймагында алты кичи райондун курулушун баштоонун иш пландарын талкуулашты. Турак жай куруу корунун долбоорун ишке ашырууга 2 млн. чарчы метр жер участогу каралган. Анын 30 пайызы ипотекалык жол менен курулмакчы. Иш чарага курулуш компаниялары, коммерциялык банктар, Жогорку Кеңештин депутаттарынын катышуусу күтүлүүдө.
