БИШКЕК. Премьер-министр Феликс Кулов Баш мыйзамга өзгөртүүлөрдү, толуктоолорду киргизүү жөнүндө өзүнүн сунуштарын конституциялык кеңешменин жумушчу тобуна тапшырды. Куловдун сунуш кылган модели президенттик-парламенттик башкарууга негизделип, күчтүү президент-күчтүү парламент аркылуу бийликтин тең салмактуу бекем системасын түзүүнү карайт. Президент Конституциянын кепили, күч структурасынын көзөмөлдөөчүсү болот, өкмөттүн ишине киришпейт. Премьер-министрди парламенттик шайлоодо көп добуш алган партия же коалиция, ал эми парламент төрагасын аз добуш алган партиялар тандайт.
