Газа секторунда Израиль анын 25-июнда туткунга алынган аскерин бошотуу боюнча операциясын улантууда. Маалыматтарга караганда, Израилдин аскер техникасы Газа секторунун түндүк тарабына жылдырылууда. Соңку расмий эмес маалыматтар боюнча Рамалах шаарында жөөт аскерлери Палестин автономиясынын бир нече министрин камакка алды. Такталбаган маалыматтарга караганда, палестин козголоңчулары тарабынан жекшембиде барымтага алынган 18 жашар жөөт атуулу өлтүрүлдү.
