БИШКЕК. Эки күндөн бери Свердлов облусунда иш сапары менен жүргөн премьер-министр Феликс Кулов баштаган делегация бүгүн Кыргызстанга кайтат. Бул күнү делегация облустагы кыргыз диаспорасынын өкүлдөрү менен жолугушуп, бир катар ишканалар менен таанышмакчы. Ал эми Нижний Тагил шаарында “Russian ExpoArms-2006” аттуу курал-жарактар көргөзмөсүнүн ачылышына катышат. Өкмөттүн маалыматында иш сапардын алкагында эки тараптуу экономикалык, техникалык-гуманитардык кызматташтык боюнча макулдашууга кол коюлары белгиленген.
