БИШКЕК. 29-июлда Бишкекте Жогорку Кеңеште Россиянын Мамлекеттик Думасынын төрага орун басары Владимир Жириновский, эл жазуучусу, элчи Чынгыз Айтматов жана Жогорку Кеңештин төрага орун басары Кубанычбек Исабеков маалымат жыйынын өткөрүшөт. Жириновский Кыргызстанга иш-сапары менен 24-июлда келген. Буга чейин ал президент Курманбек Бакиев, премьер-министр Феликс Кулов жана башка жетекчилер менен жолугушкан. Анда Жириновский жаңы конституцияда орус тилинин расмий статусун калтыруу, Кыргызстанда кесиптик-техникалык окуу жайларды жандантып, аларда Россия үчүн жумушчуларды даярдоону сунуштаган.
