Бишкек. Кыргызстандан 1,5 млрд киловатт саат электр кубатын Тажикстанга сатуунун шарттары каралган келишимге кол коюу боюнча сүйлөшүүлөр август айынын орто ченинде улантылат. Бул тууралуу бүгүн “Электр станциялар” акционердик коомунун маалымат кызматынан билдиришти. 20-24-июль күндөрү бул маселе боюнча сүйлөшүүлөр Бишкекте жүргүзүлүп, тараптар электр энергиянын баасы боюнча орток пикирге келе алышкан эмес. Тажик тарап электр энергиянын бир киловатт саатына 1 цент сураса, кыргыз тарап андан көбүрөөк бааны айткан.
