Ош шаарында бүгүн губернаторду колдоого алышкан, өздөрүн “Ыңкылапты коргоо” комитетинен дешкен жаш жигиттер менен митингге чыккандардын ортосунда кагылышуу болуп кеткен. «Мыйзамдуулукту коргоо» коомдук бирикмесинин жетекчиси Абдыкайым Кангелдиев денесинен жаракат алган. Мыйзамдуу жол менен турак жай курууга жер ала албай жүрүшкөн бирикменин отузга чукул өкүлү губернатор Жантөрө Сатыбалдиевди жана анын орун басары Кушбак Тезекбаевди кызматтан кетирүү талабы менен обладминистрациянын имаратынын жанына бүгүн эртең менен чыгышкан. (AJ)
