Бул маселе маалымат каражаттарынын абалын аныктоо максатын көздөп уюштурулган талкууда көтөрүлдү. Анда белгиленгенге караганда, телерадиожыштыктар үчүн кезекте тургандардын саны март ыңкылабына чейинки калыбында турат. Кезексиз жыштык алгандардын катарында парламенттик радио, «Сентябрь» телеканалы, «Фонекс», «Мегаком» байланыштары аталууда. Талкуу Эл аралык АЙРЕКС уюмунун демилгеси менен эл аралык эксперттердин, журналисттердин катышуусунда Бишкекте өтүп жатат.
