Иран атомдук энергия боюнча эл аралык агенттик менен кызматташтыгын үзбөйт жана өзөктүк куралды таркатпоо боюнча келишимди аткарат. Бул тууралуу кечээ Ирандын тышкы иштер министрлигинин өкүлү Мохаммед Али билдирди. Жакында эле Ирандын парламенти БУУнун Коопсуздук кеңеши кабыл алган санкцияга жооп ирээтинде МАГАТЭ менен кызматташтыкты кайрадан карап чыгуу жөнүндө мыйзам долбоорун кабыл алган эле.
