ИСЛАМАБАД. Пакистандын түндүк- батышындагы ооган качкындар лагеринде болгон жардыруудан бери дегенде төрт киши курман болуп, бир нече киши жаракат алды. Жарылууга эмне себеп болгону белгисиз, бирок Пешавардагы жергиликтүү полиция лагерде бомба жардырылган болуу керек, деп божомолдойт. Пакистанда жүз миңдеген ооган качкындары жашайт, лагердегилердин көпчүлүгү Пакистандын түндүк - батышында чек арага жакын жерде орун алган.
