ТАЛАС. Бейөкмөт уюмунун өкүлдөрү жаңы дайындалган облустун губернатору Байымбет Мураталиевге облустагы көйгөйлүү маселелерди айтышты. Алардын эң орчундуусу экологиялык маселе болду. Алтын кендеринин Таласта ачылышына көпчүлүк бей өкмөт уюмдар каршы экенин билдиришти. Талас шаарындагы элдерге кредит берүүчү финанасалык компания уюмдун Таластагы өкүлү Темир Кудаяров компания тарабынан Талас шаарына үч чоң проект иштээрин айтышты. Алар шаарды көрктөндүрүү, атракцион менен шаар тургундарына эс алуу паркын куруу жана агроөнөржай багытында алмаларды сактоочу склад курулаарын айтты. Облустун губернатору бардык бейөкмөт уюмдарды бирге иштешүүгө чакырып, колдон келген жардамды көрсөтөөрүн билдирди. (UE)
