«Интербилим» бейөкмөт уюмунун башчысы Асия Сасыкбаева кечээ УККга суракка чакырылып, психилогиялык кысымга кабылганын «Азаттыкка» билдирди. Ал былтыр ноябрдагы үн тасма чатагы боюнча бешинчи жолу суракка чакырылган. Бирок УКК өкүлдөрү сурак учурун видеотасмага тартмакчы болгондо тергөөчүдөн тасмага түшүрбөөнү талап кылган. Анын айтымында, ошондон соң УКК кызматкерлери орой мамилеге өтүп, психологиялык кысым жасаган. Асия Сасыкбаева мындай мамилени баш мыйзамга каршы аракет жана кысмактоо катары баалайт.(SM)
