Еврокомиссиянын расмий өкүлү Олли Рен: «Косовонун болочок статусу жөнүндө Бириккен улуттар уюму киргизген сунуш кабыл алынбай калса, Балкан өлкөлөрү башаламандыкта калышы ыктымал», - деди. Анын айтымында, бул маселеде Евробиримдикке кирген мамлекеттердин позициясы өтө маанилүү. Орусия Косовонун көзкарандысыздыгына каршы чыгып келет. Андыктан Рен Москваны Улуттар уюмунун планы ишке ашышына бут тоспоого чакырды.