Ысыккөлдүн Барскоон кырсыгынан жапа чеккен айылдарынын тургундары өткөн жума күндөн бери Кумтөр алтын кенине кеткен жолду тосуп турушат. Алар «Кумтөрдөн казылган алтындын 50 пайызы Кыргызстанга калтырылсын жана Барскоон кырсыгынан жабыркаган элдин чыгымы толук төлөнсүн» деген талаптарды коюуда. Жергиликтүү «Карек» бейөкмөт уюмунун башчысы Эркингүл Иманкожоева жол тосуу акциясы талаптар аткарылмайынча токтобостугун кечээ «Азаттыкка» билдирди.(SM)