Бул окуяга эртең он жыл толууда. Тажик президенти Эмомали Рахмон жана оппозиция лидери Саид Абдулло Нури 1997-жылдын 27-июнунда Москвада кол койгон келишим өлкөдө беш жылга созулган жарандык согуштун расмий аякташы болгон. Жарандык согуштун учурунда 100 миңден ашуун адам өмүрүнөн айрылып, жарым миллонго жакын киши качкын катары жер которууга мажбур болгон эле. Ага катар өлкөнүн инфраструктурасы талкаланган.
