Сот бул ишти кароону кечээ баштап, алгачкы отурумда маркум 15-апрелге караган түнү ички иштер бөлүмүнөн качып чыккан учурда кармап келген милициялар жана ал окуяны көргөн күбөлөр суралышты. Бул иш боюнча милициянын эки кызматкерине «шалаакылык» беренеси боюнча айып тагылууда. Оппозициялык бириккен фронт быйыл апрелде уюштурган митингдин катышуучусу Бектемир Акунов 15-апрелде Нарын шаардык ички иштер бөлүмүнүн абагында табышмактуу жагдайда өлүмгө кабылган эле.(SM)
