ОШ. Алар өзбек тили жана адабияты сабагын кыскартып, ошонун эсебинен мамлекеттик кыргыз тилин үйрөтүүгө каршылыгын билдиришти. Нааразычылык акциясын уюштургандардын бири Барно Исакованын айтымында, Кыргызстан Конституциясы этникалык топтордун кызыкчылыгынын басмырланышына жол бербейт, ошондуктан агартуу министрлигинин 2007-жылдын 12-июнундагы буйругу мыйзамсыз, аны жокко чыгаруу зарыл. Ош шаардык билим берүү башкармалыгынын начальниги Абдивали Балтабаев министр Каныбек Осмоналиев чууга кабылган буйругуна оңдоо кийрип, өзбек тили жана адабияты предметин мурунку калабында калтыргандыгын жарыя кылды. (AT)
