Мындай пикирлер бүгүн “Нарын kg” маалымат борборунда өткөн тегерек үстөлдө белгилүү болду. Өткөн жумада атайын топ Талас облусунда болуп, алтын кени бар “Андаш”, “Жерүй” боюнча атайын иш сапарга барган топ катышкан. Бул жыйында Нарын районунун Орток айылында жайгашкан темирдин 11 миллиарддан ашык запасы бар делген Жетимтоону иштетүүгө элдин каршы экендиктери айтылды. Орток айыл өкмөт башчысы Жаныбек Төлөев чалгындоо ишин жүргүзгөн кытайлык “Тен лин” компаниясынын лицензиясы алынды деп айтылганы менен кагаз жүзүндө эч ким көрө электигине токтолду. Жыйынтыгында элди экологиялык темада окутуу, агартуу иштери сунушталып, атайын топ, же штаб түзүү керектиги белгиленди. (JI)
