Оштогу бир катар жаштар бирикмелери жана студенттик уюмдар тараткан Кайрылууда: “Ош шаардык спорт жана жаштар саясаты комитетине ири суммдагы каражат бөлүнгөн менен, иш-чараларынын натыйжасы билинбейт. А түгүл калаадагы миңдеген кыз-уландардын күн алыс басмырланган укугун коргогонго кошкөңүл мамиле жасап келатат. Ошол себептүү комитеттин төрагасы Замир Аскаровду алмаштырып, ордуна ушул тармакты өнүктүрүүгө дараметтүү жаш кадрды дайындап берүүңүздү талап кылабыз!”- деп айтылат. Ош шаарынын биринчи вице-мэри Арфидин Аланов жаштар комитетин улам бир структурага кошкондун кесепетинен ушундай кырдаал түзүлгөндүгүн, калаа жаштарынын Кайрылуусун кылдат териштиришээрин, эгерде сын жүйөөлүү болсо, Замир Аскаровго чара көрүшөөрүн “Азаттыкка” билдирди. (АТо)
