Бул тууралуу президент Махмуд Ахмадинежад билдирди. Ишембиде дүйнөнүн кубаттуу өлкөлөрү Тегеранга ядролук иш-чараларын токтотуу үчүн 2 жума берген. Андай болбосо, Иранга каршы жаңы санкциялар киргизилмекчи. Ошол эле маалда Ахмадинежад соңку сүйлөшүүлөргө америкалык жогорку даражалуу өкүлдүн катышканын “позитивдүү алга жылуу” деп баалады. Президенттин ырастоосунда, бул – Ирандын атомдук технологияларга ээ болуу укугун таануу аракети. АКШ жана 5 дүйнөлүк держава Иран уран байытуудан баш тартса, өлкөгө финасылык жана дипломатиялык жардам берилээрин убада кылышкан.
