Бул жаңы окуу жылында Нарын облусу боюнча жалпысы 142 мектепте коңгуроо кагылат. 1-сентябрь күнү Нарын районундагы Ак-Кыя жана Кочкор районундагы Ак-Кыя айылдарындагы мектептердин ачылыш салтанаттары болот. 2008-2009-окуу жылына карата окуу китептердин камсыздалышы окутуу кыргыз тилинде жүргүзүлгөн мектептерде 74,6 пайыз, окутуу орус тилинде жүргүзүлгөн мектептерде болсо 53,1 гана пайызды түзөт. Облустагы мектептерге 1320 компьютер, 180 принтер, 135 көбөйтүүчү техника жетишпейт. Мындай маалыматты облус губернаторунун орун басары Салтанат Эсенаманова билдирди. (KUs)
