Бүгүнкү добуш берүүдө парламенттин эки палатасынын тең мыйзам чыгаруучулары жана чөлкөмдүк 3 жыйындын (ассамблеянын) мүчөлөрү Зардариге артыкчылык беришти. 4-вилайеттин – Пенжабдын шайлоо жыйынтыктары азырынча чыгарыла элек. Эгерде мурдагы өкмөт башчы, маркум Беназир Бхуттонун күйөөсү Асиф Али Зардаринин жеңгени расмий тастыкталса, анда ал 18-августта кызматынан кеткен Первез Мушаррафтын ордуна мамлекет башчы болуп калмакчы. Зардариден башка дагы эки талапкер президенттик орун үчүн ат салышты.
Пакистандагы президенттик шайлоодо Асиф Али Зардари жеңип чыкканы дээрлик анык болуп калды
