Тынчтык мүнөздөгү ал ыңкылапта президент Эдуард Шеварднадзе кызматтан кетүүгө мажбур болуп, ордуна учурдагы президент Михаил Саакашвили келген эле. Бүгүнкү салтанатта Саакашвили улуттук биримдикке чакырып, август айындагы согуштан кийин Орусиянын коркунучу күчтүү экендигин эскертти. Ал согуштан кийин Саакашвилиге карата сын пикирлер күч алган. Бүгүн оппозиция өкмөттү сөз эркиндигин кысмакка алып, тынч ыңкылаптые идеалдарын сатып кетти деп күнөөлөдү.
