Бул тууралуу өлкөнүн ички иштер министри Мохаммад Ханиф Атмар билдирди. “Азаттыкка” берген маегинде министр Атмар бир нече аптадан кийин ооган полициясынын жаңы жетекчилигин дайындай турганын кошумчалады. “Бардык ооган жарандары мыйзам алдында тең болушу керек жана реформаларды ишке ашырууда коррупция менен күрөш биринчи кадам болот” деди ички иштер министри. Мохаммад Ханиф Атмар министр болуп эки ай мурда дайындалган.
