Ленин райондук сотунда ноябрь айынан бери Курулуш жана архитектура агенттигинин мурдагы жетекчиси Ишенбай Кадырбековго байланыштуу жүргүзүлүп келаткан соттук териштирүү 12-декабрда улантылат. Бул тууралуу билдирген айыпталуучунун жактоочусу Ишен Айтманбетовдун айтымында, Билим берүү жана илим, Өзгөчө кырдаалдар министрлери, Кочкор районунун акими сотко көргөзмө берүүгө келише элек. И.Кадырбеков апрель айынан бери камакта отурат. Ага кызматынан кыянаттык менен пайдаланды деп, каржы полициясы кылмыш ишин козгогон. Ал эми Кадырбеков болсо өзүнө козголгон кылмыш ишин саясий буйрутма деп эсептейт. (AJ)
