АКШнын жаңы шайланган президенти Барак Обама Иранга карата саясат өзгөрүлө турганын билдирди
Америкадагы ЭйБиСи телеканалына берген интервьюда Обама «Иран анын администрациясы үчүн тышкы саясаттагы артыкчылыктуу багыт болуп калаарын» айтты. Обама мындан ары Вашингтон Иран элине урмат менен мамиле жасап, бирок бийликтерге айрым талаптарын кое турганын ырастаган. Жалпысынан, Жорж Буштун администрациясынын саясатына салыштырмалуу, Обама Иранга карата «ар тараптуу саясат жүргүзө турганын» айтты.
