Президент Барак Обама экономиканы стимулдаштыруу үчүн сунуш кылган пакет боюнча Конгресстин эки палатасы тең бир пикирге келгенин кабарлашты. Эми жакынкы күндөрү ал добуш берүүгө коюлуп, кабыл алынат деп күтүлүүдө. Компромиске жетишүү америкалык мыйзам чыгаруучуларга бир топ эле кыйынга турду. Баштап антикризистик план 800 млрд.долларды түзөт деп айтылып, ал республикачылар тарабынан колдоо тапкан эмес. Азыр эми анын көлөмүн 790 млрд.доллардын тегерегинде кабыл алууга мунаса табылган өңдүү.
