АКШ президенти Барак Обама Ооганстанга кошумча аскер жиберүү планын жактырды. Президент контингентти көбөйтүү улам начарлап бараткан кырдаалды турукташтыруу үчүн зарыл деп белгиледи. Обаманын билдирүүсүндө ошондой эле Ооганстанга “стратегиялык көңүл бурулбай келгендиги”, өлкө керектүү ресурстар менен камсыздалбагандыгы айтылат.Аскерлердин алгачкылары Ооганстанга ушул жазда жөнөтүлмөкчү. Ушу тапта ал жерде америкалык 30 миңдей аскер жайгашкан.
