Президенттин кубогу үчүн жалпыга маалымдоо каражаттары жана алардын өнөктөштөрүнүн арасында Бишкекте өткөрүлгөн футболдук мелдеште “Азаттык” үналгысы менен "5-каналдын" журналисттери үчүнчү орунду алды. Биринчиликти “25 кадр” журналы, экинчини КТРКнын журналисттери камсыз кылышты. Оюндардын жыйынтыгында “Азаттык” үналгысынын Бишкек бюросунун жетекчиси Султан Жумагулов “Мыкты коргоочу”, “Азаттыктын” кабарчысы Кабыл Макеш “Мыкты спорттук баяндамачы” наамына татыды. Жеңүүчүлөргө белек тапшырып жатып өлкө президентти Роза Отунбаева “Азаттыкты” дайыма угаарын, сайтын окуй тургандыгын билдирип өттү. Бул иш-чара 3-майда белгилене турган Бүткүл дүйнөлүк басма сөз эркиндиги күнүнө карата өткөрүлдү. (KKs)
