Анкарадан беш жүз чакырымдай чыгышта орун алган жер титирөөдө аз дегенде 51 киши көз жумду. Эки-үч айыл толугу менен талакалангандыгы кабарланууда. Көбүнчө күрттөр жашаган Окжулар айылы айрыкча жапа тартты, 900 киши жашаган бул айылда он беши урандынын алдында калды. Кечээ таң заарында болгон зилзаланын күчү 6 баллга жетти. Кыргызстандын президенти Курманбек Бакиев жер титирөөнүн курмандыктарына көңүл айтып, түрк өкмөтүнө телеграмма жөнөттү.
