7-апрелдеги кагылышууда каза болгондордун жетимишинин үй-бүлөсүнө жөлөк пул берилди. Бул тууралуу утурумдук өкмөттүн өкүлү, социалдык тармакты көзөмөлдөгөн Элмира Ибраимова маалымат жыйынында билдирди. Анын айтымында, айрымдар бир миллион сомду толугу менен, башкалар жарым-жартылай алды. Башкалар жөлөк пул алуу үчүн тиешелүү документтерди чогултууда. Э.Ибраимов аталган каражат ошондой эле апрелдеги окуялардан жабыркаган тартип сакчыларына да берилээрин айтты. (AiJu)
